Klient, furnizues, partner ose investitor biznesi

Çfarë mbulon ky Njoftim Privatësie?

Ky Njoftim Privatësie përmban informacione në lidhje me të dhënat personale që grumbullohen nga një shoqëri ose disa shoqëri brenda grupit të shoqërive të Shell (“Shell” ose “ne”) në lidhje me individë që punojnë për ose në emër të ose që janë aksionarë të klientëve tanë të biznesit (B2B), furnizuesve, partnerëve të biznesit (përshirë brenda ndërmarrjeve të përbashkëta që nuk operohen nga Shell), aksionarëve dhe/ose investitorëve duke përfshirë vizitorët në faqe interneti dhe portale të caktuara të Shell.

Për klientët e shitjes me pakicë, ju lutemi shikoni Njoftimin e Privatësisë - Motoristët - Hyrje e vetme [www.shell.com]. Për individët që aplikojnë për punë, ose që marrin pjesë në një event rekrutimi ose i nështrohen një procesi vlerësimi, ju lutemi referojuni Njoftimit për Privatësinë - Rekrutimi në www.shell.com/careers.

Sikurse ky Njoftim Privatësie, njoftimet vendase për privatësinë ndryshojnë mes shteteve në të cilat operojmë për të pasqyruar praktikat dhe kërkesat ligjore vendase dhe janë gjithmonë subjekt i ligjit të zbatueshëm.

Ky njoftim shpjegon çfarë të dhënash personale përpunohen, për cilat qëllime, për sa kohë i ruajmë të dhënat personale, si të aksesoni dhe përditësoni të dhënat tuaja personale dhe ku të shkoni për informacione të mëtejshme.

Njoftim i veçantë – nëse jeni nën 14 vjeç. Përpunimi i të dhënave personale të fëmijëve

Nëse jeni nën moshën 14 vjeç (ose më i madh nëse është përcaktuar në ndonjë njoftim vendas për privatësinë) ju lutemi të mos na dërgoni të dhënat tuaja personale (për shembull, emrin, adresën dhe email-in). Nëse doni të kontaktoni Shell në një mënyrë që ju kërkon të paraqitni të dhënat tuaja personale (si për shembull për evente edukimi ose inovacioni), ju lutemi t’i kërkoni prindit ose kujdestarit që ta bëjë këtë në emrin tuaj.

Çfarë të dhënash personale përpunojmë?

Ne përpunojmë të dhënat personale nga dhe në lidhje me individët të cilët janë, ose të cilët punojnë për ose në emër të ose të cilët janë aksionarë në klientët tanë të biznesit, furnizuesit, partnerët e biznesit (përfshirë ata brenda ndërmarrjeve të përbashkëta që nuk operohen nga Shell), aksionarët dhe/ose investitorët në kategoritë e mëposhtme:

Informacione kontakti private (si emri, adresa postare ose e email-it, dhe numri i telefonit) vetëm nëse është e nevojshme;
Kontakt biznesi dhe informacione të tjera (si titulli i punës, departamenti, emri i organizatës dhe marrëveshjet tuaja me Shell në interesin tuaj ose klientit përkatës të biznesit, furnizuesit, partnerit të biznesit dhe/ose investitorit);

Përveç kësaj, për t'iu përmbajtur detyrimeve ligjore dhe rregullatore, për të mbrojtur asetet dhe punonjësit/kontraktorët e Shell, dhe në mënyrë specifike për t’u siguruar që Shell t’i përmbahet ligjeve dhe kërkesave të tjera rregullatore për kontrollin e tregtisë, parandalimin e pastrimit të parave dhe/ose mirmarrjes dhe korrupsionit, ne bëjnë ekzaminime mbi palët me të cilat bëjmë biznes dhe palët me të cilat mund të bëjmë biznes para kontratës dhe mbi bazë periodike pas kontratës. Ky ekzaminim përfshin individë të tillë si drejtorët, oficerët, tregtarët, aksionarët dhe ortakët kyç të palëve me të cilët kemi kontraktuar apo mund të kontraktojmë. Ky ekzaminim bëhet mbështetur në listat e të dënuarve të disponueshme publikisht ose të lëshuara nga qeveria dhe burimeve mediatike.

Këto të dhëna mund të përfshijnë të dhënat personale në lidhje me sjelljen kriminale të dyshuar dhe të ndodhur, dëshmitë e penalitetit ose procedurat në lidhje me sjelljen kriminale ose të jashtëligjshme por vetëm për arsye të garantimit të pajtueshmërisë me detyrimet ligjore dhe rregullatore dhe/ose deri në shkallën e lejuar ose të kërkuar nga ligji vendas.

Ekzaminimi nuk rezulton në asnjë vendimmarrje automatike në lidhje me palët aktuale ose palët e mundshme.

Kush është përgjegjës për të dhënat personale të grumbulluara?

Për çfarë qëllimesh i përpunojmë të dhënat personale?

Ne përpunojmë të dhënat personale të mbuluara nga ky Njoftim Privatësie për qëllimet e mëposhtme:

Ekzekutim biznesi përfshirë studimin, zhvillimin dhe përmirësimin e produkteve ose shërbimeve; lidhjen dhe ekzekutimin e kontratave me klientët, furnizuesit dhe partnerët e biznesit; regjistrimin dhe vendosjen e shërbimeve, produkteve dhe materialeve për dhe nga një shoqëri e Shell; administrimin e marrëdhënieve dhe marketingut si për shembull mirëmbajtjen dhe nxitjen e kontaktit me klientët ekzistues dhe potencialë, administrimin e llogarisë, kujdesin ndaj klientit, dhe zhvillimin, ekzekutimin dhe analizimin e studimeve në treg dhe strategjive të marketingut.
Organizimi dhe menaxhimi i biznesit duke përfshirë administrimin financiar, administrimin e aseteve, bashkimet, ndarjet, blerjet dhe deinvestimet, ushtrimin e kontrolleve, raportimin e administrimit, analizën, auditimet dhe investigimet e brendshme.
Shëndeti, mbrojtja dhe siguria përfshirë mbrojtjen e jetës ose shëndetit të një individi, shëndetit dhe sigurisë profesionale, mbrojtjen e shoqërive dhe stafit të Shell, verifikimin e statusit individual dhe të drejtave të aksesit; ose
Pajtueshmëria ligjore dhe/ose rregullatore përfshirë pajtueshmërinë me kërkesat ligjore ose rregullatore duke përfshirë çështjet gjyqësore dhe mbrojtjen nga akuzat.

(ose për një qëllim dytësor kur lidhet ngushtë me to, për shembull për ruajtjen ose fshirjen e tyre).

Cilat janë bazat ligjore për përpunimin e të dhënave personale?

Të dhënat personale të grumbulluara nga ky Njoftim Privatësie përpunohen vetëm:

për të marrë hapa me kërkesë të një individi para se të hyjmë në një kontratë;
aty ku është e nevojshme, për t’iu përmbajtur një detyrimi ligjor ose rregullator të cilit shoqëria/shoqëritë e Shell i nënshtrohen;
aty ku është e nevojshme, për interesat e ligjshme të ndjekura nga shoqëria/shoqëritë përkatëse të Shell, përveçse kur këto interesa dominohen nga interesat ose të drejtat dhe liritë themelore të individit/ëve; ose
(vetëm nëse kërkohet me ligj) me pëlqimin e shprehur të individit.

Në ato raste ku përpunimi bazohet në një pëlqim, dhe subjekt i ligjit vendas të zbatueshëm i cili parashikon ndryshe, ju keni të drejtën të tërhiqni pëlqimin tuaj në çdo kohë. Kjo nuk do të ndikojë në vlefshmërinë e përpunimit që është bërë para tërheqjes së pëlqimit.

Me cilët do t’i ndajmë të dhënat personale?

Të dhënat tuaja personale të mbuluara nga ky Njoftim Privatësie përpunohen vetëm për qëllimet e treguara më sipër dhe do të ndahen kur është rreptësisht e domosdoshme me:

Shoqëri të tjera brenda grupit të shoqërive të Shell;
Agjentët, ofruesit e shërbimeve dhe/ose nënkontraktorët e autorizuar palë të treta të Shell;
Një autoritet publik, agjenci qeveritare, rregullatore ose fiskale kompetente kur është e nevojshme t’i përmbahemi një detyrimi ligjor ose rregullator subjekt i të cilit është shoqëria/shoqëritë përkatëse të Shell ose siç lejohet nga ligji vendas i zbatueshëm.

Transferimet e të dhënave personale

Kur të dhënat personale janë transferuar në shoqëri brenda Grupit Shell dhe/ose në palë të treta të autorizuara që ndodhen jashtë vendit tuaj (përfshirë vendet jashtë Zonës Ekonomike Evropiane), ne marrim masa organizative, kontraktuale dhe ligjore për t’u siguruar që të dhënat tuaja personale të përpunohen vetëm për qëllimet e përmendura më sipër dhe që të zbatohen nivele të përshtatshme mbrojtjeje për të mbrojtur të dhënat tuaja personale. Këto masa përfshijnë Rregullat Detyruese të Shoqërisë për transferimet me Grupit Shell dhe mekanizmat e transferimit të miratuara nga Komisioni Evropian për transferimet në palë të treta në vende që nuk konsiderohen se ofrojnë nivel të përshtatshëm të mbrojtjes së të dhënave si edhe çdo kërkesë ligjore vendase shtesë. Mund të kërkoni një kopje të këtyre duke kontaktuar privacy-office-SI@shell.com.

Cilat janë pasojat e mosdhënies së të dhënave personale?

Të dhënat personale të grumbulluara nga Shell për këto procese qoftë në mënyrë të drejtpërdrejtë apo të tërthortë kërkohen për:

Plotësimin e kërkesave ligjore dhe/ose të cilat kërkohen për hyrjen në kontratë me një palë dhe për vazhdimin e kontratës me atë palë.
Të ruajtur kontaktin me klientët e biznesit, furnizuesit dhe partnerët e biznesit, vizitorët në faqet e internetit dhe investitorët.

Nëse nuk na jepni informacionet e kërkuara, kjo do të ndikojë negativisht në aftësinë tonë për të komunikuar me ju, ose në aftësinë tonë për të hyrë në kontratë me një palë ose për të vazhduar kontratën me një palë.

Për sa kohë i ruani të dhënat personale?

Çdo informacion personal që kërkohet për qëllimet e lidhjes dhe ekzekutimit të marrëveshjeve me klientët e biznesit, furnizuesit dhe partnerët e biznesit ose për të marrë parasysh ofertat ose tenderët, do të ruhet gjatë kohës së marrëdhënies kontraktuale dhe për deri në 15 vjet pas përfundimit të kësaj marrëdhënieje. Për marrëveshjet që kanë afat më shumë se pesë vjet dhe për qëllimet e përcaktuara në këto marrëveshje, do të mbahet për 35 vjet me efekt nga dita e fillimit të marrëveshjes.

Në të gjitha rastet e tjera për qëllimet e përcaktuara më sipër, përfshirë të dhënat personale të grumbulluara si pjesë e çdo oferte të pasuksesshme ndaj Shell ose të cilat lidhen me ekzaminimin mbështetur në listat e të dënuarve të disponueshme publikisht ose të lëshuara nga qeveria dhe burimet mediatike, këto të dhëna personale mbahen për jo më shumë se 15 vjet nga dita kur janë marrë për herë të parë.

Në të gjitha rastet, informacionet mund të mbahen për a) një periudhë më të gjatë kohe ku ka një arsye ligjore ose rregullatore për këtë (në të cilin rast do të fshihen pasi të mos jenë më të nevojshme për qëllime ligjore ose rregullatore) ose b) një periudhë më të shkurtër në rastet ku individi kundërshton përpunimin e të dhënave personale të tij dhe nuk ka më një qëllim të ligjshëm për ruajtjen e tyre.

Si mund t’i shikoj të dhënat e mia personale?

Ne synojmë që t’i mbajmë informacionet tona sa më të sakta të jetë e mundur. Individët mund të kenë akses në të dhënat e tyre personale, të kërkojnë korrigjimin, ose fshirjen e të dhënave personale (por vetëm aty ku nuk nevojiten më për arsye të ligjshme biznesi) dhe të kërkojnë që përpunimi i të dhënave personale të jetë i kufizuar. Ju lutem kontaktoni privacy-office-SI@shell.com

Kë mund të kontaktoj për më shumë informacion?

Nëse keni probleme, pyetje ose ankesa në lidhje me përpunimin e të dhënave tuaja personale, ju lutem na kontaktoni në Privacy-Office-SI@shell.com ose Shell Group Chief Privacy Officer në Shell International B.V. The Hague, The Netherlands - Trade Register, No. 27155369 Correspondence: PO Box 162, 2501 AN, The Hague.

Nëse jeni të pakënaqur me mënyrën e trajtimit të të dhënave tuaja personale nga Shell, atëherë keni të drejtën t’i paraqitni një ankesë autoritetit tuaj për mbrojtjen e të dhënave ose autoritetit holandez të mbrojtjes së të dhënave personale (konkretisht Dutch Data Protection Authority) adresa e të cilit është Prins Clauslaan 60, 2595 AJ The Hague, Netherlands. Ju lutemi vizitoni https://autoriteitpersoonsgegevens.nl/en për më shumë informacion.

Ju lutemi referojuni njoftimeve vendase të privatësisë për detajet e oficerit vendas për mbrojtjen e të dhënave (nëse ka) dhe gjithashtu për detajet e autoritetit vendas për mbrojtjen e të dhënave. Përndryshe, ne do t’ju japim detajet e kontaktit, aty ku zbatohet, menjëherë me kërkesë duke kontaktuar Privacy-Office-SI@shell.com.

Cookies dhe teknologjitë e ngjashme

Shell mund të përdorë cookies dhe teknologji të ngjashme që synojnë grumbullimin dhe ruajtjen e informacionit kur vizitoni një faqe interneti të Shell. Kjo i jep mundësi Shell të identifikojë shfletuesin e internetit që përdorni dhe të grumbullojë të dhëna mbi përdorimin e faqes së internetit, cilat faqe vizitoni, kohëzgjatjen e vizitave tuaja dhe të identifikojë këto kur ktheheni në mënyrë që të përmirësojmë përvojën tuaj kur vizitoni faqen(t) tonë të internetit. Ju mund të kontrolloni dhe të vendosni preferencat tuaja për cookies duke vendosur parametrat e shfletuesit – për më shumë informacion, ju lutemi shikoni rregulloren e Shell për cookies në http://www.shell.com/cookie-policy.html.

Historitë kryesore

Mjetet

Kërkimet e fundit