Motorist, Besnikëria e klientit, përdoruesi i aplikacionit Shell

Në varësi të vendndodhjes suaj, një shoqëri nga grupi i shoqërive të Shell do të jetë përgjegjës për përpunimin e të dhënave tuaja personale – site-i vendas për vendin tuaj përcakton shoqërinë vendase përgjegjëse për përpunimin e të dhënave tuaja personale.

Ne i përpunojmë të dhënat tuaja personale për qëllime të:

• ruajtjes dhe promovimit të kontaktit dhe marrëdhënies me ju;
• administrimit të llogarisë si për shembull verifikimin e llogarisë (domethënë të sigurohemi që vetëm ju ose dikush tjetër që ju e keni autorizuar të ketë akses në llogarinë dhe informacionet tuaja);
• kujdesit ndaj klientit dhe zhvillimit;
• performancës dhe analizimit të studimeve të tregut dhe strategjive të marketingut;
• ofertave dhe konkurseve që u ofrohen klientëve të Shell, duke përfshirë ofrimin e shpërblimeve dixhitale për t’ju njohur si klient të çmuar;
• detektimit ose parandalimit të mashtrimeve nëse përdorni një funksion pagese me celular për të blerë produkte të Shell (nëse janë të disponueshme në tregun tuaj);

(ose për një qëllim dytësor që lidhet ngushtë me ta, si për shembull ruajtja ose fshirja e tyre).

Nëse ju keni dhënë pëlqimin për të marrë këto komunikime nga Shell, mund të merrni oferta që janë të përshtatura sipas preferencave tuaja bazuar në përdorimin e shërbimeve të Shell prej jush, historinë e blerjeve tuaja, pjesëmarrjen tuaj në promovime, studime, programin e besnikërisë Shell Driver’s Club dhe përdorimin e faqeve të internetit, aplikacioneve dhe kanaleve të tjera dixhitale të Shell si edhe të dhënave të tjera që ju i keni dhënë Shell.

Si anëtar i programit të besnikërisë ndaj Shell, për të marrë pjesë në përfitimet nga programi i besnikërisë ndaj Shell të cilat janë të përshtatura sipas preferencave tuaja personale, ne analizojmë pjesëmarrjen tuaj në programin e besnikërisë ndaj Shell, përdorimin e shërbimeve të Shell, historinë e blerjeve tuaja, pjesëmarrjen tuaj në promovime, studime dhe përdorimin e faqeve të internetit, aplikacioneve dhe kanaleve të tjera dixhitale si edhe çdo informacion tjetër që i keni dhënë Shell.

Ne mund t’ju dërgojmë përditësime dhe njoftime për shërbime pa pëlqimin tuaj paraprak vetëm kur ju jeni përdorues ekzistues i aplikacioneve ose shërbimeve të tjera të Shell dhe këto përditësime dhe/ose njoftime janë të nevojshme për funksionimin e mirë të aplikacioneve ose shërbimeve të tjera të Shell që ju përdorni.

Mund të merrni oferta dhe komunikime të vazhdueshme nga kanale të ndryshme dhe mund të përditësoni preferencat e abonimit tuaj përmes parametrave të llogarisë Hyrje e Vetme në çdo kohë ose të të përdorni funksionin e çregjistrimit për kanale të ndryshme dixhitale.

Kur përdorni një aplikacion pagese me celular për të blerë produktet e Shell (nëse është i disponueshëm në tregun tuaj), mund t’ju kërkohet të jepni të dhëna personale shtesë për të përfunduar transaksionin. Ne mund t’i përdorim të dhënat personale që jepni për të parandaluar, dalluar dhe hetuar mashtrimet dhe për të vënë në zbatim rregullat dhe kushtet e aplikacionit për pagesë me celular.

Ne mund t’i ndajmë disa informacione me ofruesit e shërbimeve të përfshira në pagesat celulare (të tilla si PayPal), duke përfshirë por jo vetëm adresat tuaja IP, ID-në ose identifikuesin unik të pajisjes, numrin e kartës së besnikërisë për qëllimet e detajuara më sipër si edhe për qëllimet e grumbullimit të pikëve, llojin e pajisjes, informacione të gjeo-vendndodhjes, informacionet e lidhjeve (p.sh. Wi-Fi) dhe informacione të rrjetit celular.

Ne mundtë përpunojmë informacionet që i keni dhënë Shell si edhe informacionet që marrim përmes përdorimit të produkteve dhe shërbimeve të Shell për t’ju ofruar çmime dhe shpërblime dixhitale për t’ju njohur si klientin tonë të vyer. Këta distinktivë elektronikë mund t’u caktohen përdoruesve të aplikacioneve të Shell për sa u përket përdorimit të aplikacioneve të Shell, historisë së blerjeve, interesave të shprehura në produktet dhe shërbimet e Shell dhe përdorimit të Shell Drive.

Mund të zgjidhni të mos pranoni këto komunikime duke u përjashtuar nga funksioni i distinktivëve me anë të parametrave në aplikacionet e Shell.

Ne synojmë që t’i mbajmë informacionet tona sa më të sakta që të jetë e mundur. Ju mund t’i aksesoni të dhënat tuaja personale, të kërkoni korrigjimin ose fshirjen e të dhënave personale (por vetëm aty ku nuk kërkohet më për një qëllim të ligjshëm biznesi si për shembull për kryerjen e një transaksioni shitje me pakicë) dhe të kërkoni që përpunimi i të dhënave personale të jetë i ndaluar. Ju lutemi shkoni në profilin e llogarisë në Shell për të bërë një përditësim të tillë ose ju lutem komunikoni me ne duke përdorur detajet e kontaktit në njoftimin e privatësisë specifik për shtetin tuaj. 

Ju keni të drejtën të merrni të dhënat personale që lidhen me ju dhe të cilat ia keni dhënë Shell në formë të strukturuar, dixhitale dhe t’ia transmetoni këto të dhëna një pale tjetër nëse kjo është e mundshme teknikisht. Ju lutemi na kontaktoni duke përdorur detajet e kontaktit në njoftimin e privatësisë specifik për shtetin tuaj ose SITI-MLM-Support@shell.com në lidhje me këtë.

Nëse keni probleme, pyetje ose ankesa në lidhje me përpunimin e të dhënave tuaja personale, ju lutem na kontaktoni duke përdorur detajet e kontaktit në njoftimin e privatësisë specifik për shtetin tuaj ose SITI-MLM-Support@shell.com për informacione të mëtejshme ose për paraqitjen e këtyre kërkesave. Gjithashtu mund të kontaktoni Shell Group Chief Privacy Officer në Shell International B.V. The Hague, The Netherlands - Trade Register No. 27155369 Correspondence: PO Box 162, 2501 AN, The Hague në privacy-office-SI@shell.com.

Gjithashtu ju mund të keni të drejtën t’i bëni një ankesë autoritetit për mbikëqyrjen e mbrojtjes së të dhënave në vendin përgjegjës për aktivitetet e shoqërisë përkatëse Shell (nëse është themeluar). Ne do t’ju japim këto detaje dhe ato të oficerit vendas për mbrojtjen e të dhënave (nëse zbatohet) menjëherë pasi të na kërkoni duke kontaktuar privacy-office-SI@shell.com. Nëse jeni të pakënaqur nga trajtimi i ankesës dhe përpunimi i të dhënave personale nga Shell, mund t’i bëni gjithashtu një ankesë autoritetit holandez të mbrojtjes së të dhënave personale (konkretisht Dutch Data Protection Authority) adresa e të cilit është Prins Clauslaan 60, 2595 AJ The Hague, Netherlands. Ju lutemi vizitoni https://autoriteitpersoonsgegevens.nl/en për më shumë informacion.

Shell përdor cookies dhe teknologji të ngjashme që grumbullojnë dhe ruajnë informacione kur vizitoni një faqe interneti të Shell ose përdorni një aplikacion të Shell. Kjo i jep mundësi Shell të identifikojë shfletuesin e internetit që përdorni dhe të grumbullojë të dhëna mbi përdorimin e faqes së internetit, cilat faqe vizitoni, kohëzgjatjen e vizitave tuaja dhe të identifikojë këto kur ktheheni në mënyrë që të përmirësojmë eksperiencën tuaj kur vizitoni faqen(t) tonë të internetit. Ju mund të kontrolloni dhe të vendosni preferencat tuaja për cookies duke vendosur parametrat e shfletuesit – për më shumë informacion, ju lutemi shikoni rregulloren e Shell për cookies në http://www.shell.com/cookie-policy.html

Ne kemi implementuar teknologji dhe politika me qëllim mbrojtjen e privatësisë suaj nga aksesi i paautorizuar dhe përdorimi i papërshtatshëm. Në veçanti, ne mund të përdorim enkriptim për disa prej shërbimeve tona, aplikojmë proces autentifikimi dhe verifikimi për aksesin në shërbimet e Shell dhe testojmë, kontrollojmë dhe vlerësojmë rregullisht efektshmërinë e masave tona për sigurinë.

Të dhënat tuaja personale përpunohen vetëm për qëllimet e treguara më sipër dhe do të ndahen kur është rreptësisht e domosdoshme me:

• Shoqëri të tjera brenda grupit të shoqërive të Shell;
• Me pëlqimin tuaj, shoqëritë e autorizuara të palëve të treta në bashkëpunim me Shell që mund t’u ofrojnë produkte dhe/ose shërbime përdoruesve të aplikacioneve të Shell dhe programit të besnikërisë ndaj Shell
• Ofruesit e autorizuar të shërbimeve të përfshira në pagesat celulare (të tilla si PayPal, Apple Wallet ose Android Pay)
• Agjentët, të licencuarit ose ofruesit e shërbimeve dhe/ose nënkontraktuesit e autorizuar të Shell;
• Një autoritet publik, agjenc qeveritare, rregullatore ose fiskale kompetente ku është e nevojshme t’i përmbahemi një detyrimi ligjor ose rregullator në të cilin të cilit i nënshtrohet shoqvria/shoqëritë përkatëse të Shell ose siç lejohet nga ligji lokal i zbatueshëm;
• Çdo person të cilit Shell i propozon t’i transferojë cilëndo prej të drejtave dhe/ose detyrimeve të tij

Aty ku të dhënat personale janë transferuar në shoqëri brenda Grupit Shell dhe/ose në palë të treta të autorizuara që ndodhen jashtë vendit tuaj (përfshirë vendet jashtë Zonës Ekonomike Evropiane), ne marrim masa organizative, kontraktuale dhe ligjore për t’u siguruar që të dhënat tuaja personale të përpunohen vetëm për qëllimet e përmendura më sipër dhe që të zbatohen nivele të përshtatshme mbrojtjeje për të mbrojtur të dhënat tuaja personale. Këto masa përfshijnë Rregullat Detyruese të Shoqërisë për transferimet brenda Grupit Shell dhe mekanizmat e transferimit të miratuara nga Komisioni Evropian për transferimet në palë të treta në vende që nuk konsiderohen se ofrojnë nivel të përshtatshëm të mbrojtjes së të dhënave si edhe çdo kërkesë ligjore vendase shtesë. Mund të kërkoni një kopje të këtyre duke kontaktuar SITI-MLM-Support@shell.com or privacy-office-SI@shell.com.

Përveçse siç përcaktohet në këtë Politikë Privatësie, ne nuk zbulojmë asnjë informacion personal pa lejen tuaj përveç nëse kemi të drejtën me ligj ose na kërkohet me ligj të bëjmë këtë ose nëse besojmë se një veprim i tillë është i nevojshëm për të mbrojtur dhe/ose mbështetur të drejtat, sigurinë tonë personale ose të pronësisë ose të drejtat e përdoruesve/klientëve tanë apo individëve të tjerë. Vetëm nëse Shell i kërkohet me ligj ta bëjë këtë, të dhënat tuaja personale do t’u jepen agjencive mbikëqyrëse, autoriteteve fiskale dhe agjencive investigative.

Nëse zgjidhni të bashkëveproni me shërbimet e Shell si për shembull me faqen tonë të internetit, aplikacionet ose përmbajtjet në mediat sociale të tilla si LinkedIn, Facebook, dhe/ose Twitter, të dhënat tuaja personale (si emri dhe fakti që jeni të interesuar në Shell) do të jetë gjithashtu i dukshëm për të gjithë vizitorët e faqes tuaj personale në LinkedIn, Facebook dhe/ose Twitter, sipas parametrave të privatësisë në shërbimet e medias sociale. Shell nuk është përgjegjës për përpunimin e këtyre të dhënave personale apo për politikën e privatësisë së këtyre faqeve të internetit të mediave sociale.

Kur komunikoni me ne përmes mediave sociale (për shembull, kur postoni një koment, ngarkoni media, dërgoni një mesazh personal apo bëheni fansi ynë duke klikuar butonin "Pëlqej", ne mund të marrim të dhëna personale rreth jush (si emrin (përdorues), foton e profilit, qytetin, adresën e email-it dhe gjininë tuaj). Ne do t’i përdorim të dhënat e marra nga mediat sociale në përputhje me këtë Politikë Privatësie.

Të dhënat personale të përpunuara nga Shell në përputhje me këtë Politikë Privatësie do të fshihen ose të bëhen anonime (në mënyrë të tillë që të mos jetë më e mundur t’ju identifikojnë juve);

1. pa vonesë të panevojshme pasi të kërkoni që profili i llogarisë suaj në Shell të fshihet ose pasi të kërkoni që të ndërpritni pjesëmarrjen në programin e besnikërisë ndaj Shell, OSE
2. brenda 3 vjetësh për të gjitha shërbimet e regjistruara pas bashkëveprimit tonë të fundit me ju;.

Në lidhje me transaksionet financiare (përfshirë ato të bëra përmes një aplikacioni të Shell), të dhënat tuaja personale do të mbahen për 10 vjet nga dita e transaksionit.

Në të gjitha rastet, informacionet mund të mbahen për a) një periudhë më të gjatë kohe ku ka një arsye ligjore ose rregullatore për këtë (në të cilin rast do të fshihen pasi të mos jenë më të nevojshme për qëllime ligjore ose rregullatore) ose b) një periudhë më të shkurtër në rastet ku individi kundërshton përpunimin e të dhënave personale të tij dhe nuk ka më një qëllim të ligjshëm për ruajtjen e tyre.

Kjo Politikë Privatësie mund të ndryshohet me kalimin e kohës. Ju këshillojmë që ta rishikoni rregullisht Politikën e Privatësisë për ndryshime të mundshme, por nëse ndryshimet janë të konsiderueshme, ne do t’ju japim një njoftim të përshtatshëm duke përfshirë njoftim me email nëse është e nevojshme. Kjo Politikë Privatësie është përditësuar për herë të fundit në mars 2018.