Punonjës, kontraktor ose vartës aktual ose i mëparshëm i Shell
Informacionet për individë që janë ose kanë qenë punonjës, praktikantë ose kontraktorë individualë si edhe vartës të punonjësve të Shell.
Çfarë mbulon ky Njoftim Privatësie?
Çdo individ brenda grupit të shoqërive të Shell (“Shell” ose “ne”) është përgjegjës për mbrojtjen e të dhënave personale të njëri-tjetrit si dhe të klientëve, partnerëve të biznesit dhe furnizuesve.
Ky njoftim privatësie jep informacione për të dhënat personale të përpunuara nga Shell në lidhje me individët të cilët janë ose kanë qenë punonjës, praktikantë ose kontraktorë individualë si dhe vartës të punonjësve të Shell (“Stafi i Shell”). Për stafin e Shell të cilët janë gjithashtu klientë të shitjes me pakicë ose përdorues të një aplikacioni ose faqeje interneti të Shell në çfarëdo kapaciteti tjetër përveçse në kapacitetin e stafit të Shell, ju lutem shikoni njoftimin përkatës për privatësinë në www.shell.com. Për individët që aplikojnë për punë, ose që marrin pjesë në një event rekrutimi ose i nëhstrohen një procesi vlerësimi me Shell, ju lutemi shikoni Njoftimi për Privatësinë - Rekrutimi në www.shell.com/careers.
Ky Njoftim Privatësie është në çdo kohë subjekt i ligjit vendas që zbatohet.
Ky Njoftim Privatësie shpjegon çfarë të dhënash personale përpunohen, për cilat qëllime, për sa kohë i ruajmë të dhënat personale, si të aksesoni dhe përditësoni të dhënat tuaja personale dhe ku të shkoni për informacione të mëtejshme.
Njëlloj si ky Njoftim Privatësie, njoftimet e tjera për privatësinë shpjegojnë mënyrën se si përpunojmë të dhënat personale në lidhje me proceset e caktuara BNJ (të tilla si programet Open Resourcing, OneHealth IT dhe International Mobility) si edhe njoftimet vendase të privatësisë mes shteteve në të cilat operojmë për të pasqyruar praktikat dhe kërkesat ligjore vendase.
Çfarë të dhënash personale përpunojmë?
Ne përpunojmë të dhënat personale të nevojshme për të menazhuar marrëdhënien e punësimit, për të pajtuar kontraktorë dhe praktikantë dhe për të ofruar përfitime për vartës të caktuar të punonjësve të Shell.
Kjo përfshin informacionet e kontaktit të banesës, datëlindjen, gjendjen civile, informacione të pagesave dhe llogarisë bankare, informacione të pagave dhe përfitimeve duke përfshirë informacione të përfituesit, kontaktet e emergjencës, informacione për performancën në punë dhe çdo informacion tjetër të nevojshëm për menaxhimin e marrëdhënieve të punësimit, për pajtimin e kontraktorëve dhe për t’u ofruar përfitime vartësve të caktuar të punonjësve të Shell (si për shembull ata vartës që shoqërojnë një punonjës të Shell ndërkohë që janë në një shërbim jashtë vendit).
Të dhënat personale sensitive
Ne përpunojmë gjithashtu disa kategori të veçanta të të dhënave personale (‘të dhëna personale sensitive’) si të dhënat që lidhen me shëndetin e një individi, origjinën e tyre racore ose etnike, besimet fetare ose filozofike, orientimin seksual, opinionet politike dhe anëtarësimet në sindikata vetëm ku është e nevojshme për qëllimin e pajtimit me ligjet mbi punësimin dhe sigurinë sociale, ku është e nevojshme për qëllimet e sigurimit të këshillave dhe mbështetjes profesionale, për të mbrojtur interesat jetike të një individi (si për shembull në rast të një emergjence), ku është e nevojshme për arsye shëndeti publik ose ku individi ka dhënë pëlqimin e tij të shprehur.
Për çfarë qëllimesh i përpunojmë të dhënat tuaja personale?
Ne mund të përpunojmë të dhënat tuaja personale:
- për të përmbushur detyrimet tona që të pajtohemi me ligjet dhe rregullat vendase;
- për interesa të ligjshme biznesi (për shembull administrimin e performancës për t’u siguruar që të kemi personel të kualifikuar dhe kompetent ose për qëllime shëndeti, mbrojtjeje dhe sigurie për t’u siguruar që vetëm personeli i autorizuar të ketë akses në vende ose asete të caktuara); ose
- aty ku kemi pëlqimin tuaj të shprehur.
Ju lutem vini re se si parim i përgjithshëm, Shell nuk kërkon ose nuk mbështetet në pëlqimin e Stafit të Shell për përpunimin e të dhënave personale. Sidoqoftë, ka rrethana të kufizuara kur kërkohet pëlqim, si për shembull nëse kërkohet nga ligji vendas që zbatohet duke përfshirë përpunimin e të dhënave personale ‘sensitive’.
Të dhënat personale të kërkuara nga Stafi i Shell janë minimumi i kërkuar për të plotësuar kërkesat ligjore dhe/ose kontraktuale dhe për të ofruar mundësi për të marrë pjesë në programe ose për të dhënë një përfitim. Nëse nuk na jepni informacione te kërkuara, kjo mund të ndikojë negativisht në mundësinë tuaj për të qenë i punësuar, praktikant ose i pajtuar si kontraktor ose për të marrë pjesë në një program apo për të marrë një përfitim.
Në ato raste ku përpunimi bazohet në një pëlqim, dhe subjekt i ligjit vendas të zbatueshëm i cili parashikon ndryshe, ju keni të drejtën të tërhiqni pëlqimit tuaj në çdo kohë. Kjo nuk do të ndikojë në vlefshmërinë e përpunimit që është bërë para tërheqjes së pëlqimit. Sidoqoftë, tërheqja e pëlqimit mund të ndikojë në mundësinë tuaj për të qenë të përfshirë ose marrë pjesë në një program apo për të marrë një përfitim.
Monitorimi
Të gjitha veprimtaritë në pajisjet Shell IT dhe/ose kur jeni të lidhur me rrjetin Shell IT mund të monitorohen për arsye të ligjshme biznesi. Për informacione të mëtejshme, shikoni udhëzimet mbi përdorimin personal http://sww.shell.com/it/irm/legalandregulatory/personal_use.html.
I gjithë stafi i Shell merr një distinktiv aksesi i cili i jep mundësi Shell të regjistrojë datën, orën dhe pikat e aksesit të bëra nga individët brenda vendeve të ushtrimit të veprimtarisë dhe aseteve të Shell. Të dhënat nga sistemet e aksesit dhe sigurisë përdoren:
- për arsye shëndeti, mbrojtjeje dhe sigurie, në mënyrë specifike për mbrojtjen e aseteve të Shell, stafit të Shell dhe vizitorëve në vendin e ushtrimit të veprimtarisë së Shell;
- për t’iu përmbajtur kërkesave ligjore dhe rregullatore, veçanërisht kur ka një kërkesë ligjore vendase për t’u dhënë informacione autoriteteve qeveritare/rregullatore;
- për të monitoruar (mbi bazë të përmbledhur) numrin e individëve që hyjnë dhe dalin në një pikë të ushtrimit të veprimtarisë së Shell për planifikimin e burimeve njerëzore dhe pronave të paluajtshme; dhe
- vetëm në rastin e kontraktorëve (jo punonjësve të Shell), data dhe ora e hyrjes dhe daljes së tyre nga vendi i ushtrimit të veprimatrisë të Shell përdoret për arsye të administrimit dhe kontrollit financiar.
Shumica e pikave të ushtrimit të veprimtarisë dhe pronave tona janë të pajisura me kamera vëzhgimi (CCTV). Aty ku përdoren kamera vëzhgimi, ato do të identifikohen. Kamerat e vëzhgimit përdoren për shëndet, mbrojtje dhe siguri në mënyrë specifike për mbrojtjen e pasurive të Shell, stafit të Shell dhe vizitorëve në vendin e ushtrimit të veprimtarisë së Shell. Të gjitha imazhet fshihen rregullisht përveç nëse ka pasur një incident në lidhje me shëndetin, mbrojtjen ose sigurinë, veprimtari kriminale të dyshuar ose të ndodhur, në të cilin rast ato mund të shihen nga ekipet hetuese të brendshme të Shell dhe nga jashtë nëse kërkohet me ligj ose lejohet nga zbatimi i ligjit ose autoritetet e tjera qeveritare.
Ekzaminimi
Për t’iu përmbajtur detyrimeve ligjore dhe rregullatore, për të mbrojtur asetet, punonjësit/kontraktorët e Shell dhe në mënyrë specifike, që Shell t’i përmbahet ligjeve për kontrollin e tregtisë, parandalimin e pastrimit të parave dhe/ose mitmarrjen dhe korrupsionin dhe kërkesave të tjera rregullatore, ne bëjmë monitorimin e të gjithë punonjësve dhe kontraktorëve rregullisht. Ky monitorim bëhet kundrejt listave të të dënuarve të disponueshme publikisht ose të lëshuara nga qeveria dhe krahasohet me informacionin rreth jush të ruajtur nga Shell (për shembull, nga regjistri i Konfliktit të Interesit – shiko këtu për më shumë informacion (http://sww.shell.com/ethicsandcompliance/code_of_conduct/CodeofConductRegister.html)). Çdo informacion personal i grumbulluar përmes monitorimit nuk do të rezultojë në asnjë vendimmarrje automatike në lidhje me përshtatshmërinë për vazhdimin e punësimit, praktikës ose pajtimit si kontraktor.
Kush është përgjegjës për të dhënat personale të grumbulluara?
Shell International BV së bashku me shoqërinë tuaj punëdhënëse (ose në rastin e vartësve, shoqëria punëdhënëse e punonjësit të Shell) qoftë vetëm apo bashkërisht me filialet e saj brenda grupit të shoqërive të Shell.
Në rastin e kontraktorëve individualë, shoqëria brenda Grupit Shell që ka kontraktuar shërbimet tuaja vetëm apo bashkërisht me filialet e saj brenda grupit të shoqërive të Shell dhe shoqërisë/agjencisë së jashtme kontraktuese/punëdhënëse.
Me cilët do t’i ndajmë të dhënat personale?
Të dhënat tuaja personale përpunohen vetëm për qëllimet e treguara më sipër (ose për një qëllim dytësor aty ku lidhet ngushtë me to, si për shembull ruajtjen e tyre) dhe do të ndahen kur është rreptësisht e domosdoshme me:
- Shoqëritë e tjera brenda grupit të shoqërive të Shell, përfshirë ato të cilat mund të ndodhen jashtë vendit tuaj dhe Zonës Ekonomike Evropiane (“ZEE”);
- Agjentët, ofruesit e shërbimeve dhe/ose nënkontraktorët e autorizuar palë të treta të Shell; dhe
- Një autoritet publik, agjenci qeveritare, rregullatore ose fiskale kompetente kur është e nevojshme t’i përmbahemi një detyrimi ligjor ose rregullator subjekt i të cilit është shoqëria/shoqëritë përkatëse të Shell ose siç lejohet nga ligji vendas i zbatueshëm.
Transferimet e të dhënave personale
Aty ku të dhënat personale transferohen në shoqëri brenda Grupit Shell dhe/ose tek agjentë të autorizuar, ofrues shërbimesh dhe/ose nënkontraktorë palë të treta të cilët mund të ndodhen brenda apo jashtë vendit tuaj (përfshirë vendet jashtë Zonës Ekonomike Evropiane), ne marrim masa organizative, kontraktuale dhe ligjore për t’u siguruar që të dhënat tuaja personale të përpunohen vetëm për qëllimet e përmendura më sipër dhe që të zbatohen nivele të përshtatshme mbrojtjeje për të mbrojtur të dhënat tuaja personale. Këto masa përfshijnë Rregullat Detyruese të Shoqërisë për transferimet brenda Grupit Shell dhe mekanizmat e transferimit të miratuara nga Komisioni Evropian për transferimet drejt palëve të treta në vende që nuk konsiderohen se ofrojnë nivel të përshtatshëm të mbrojtjes së të dhënave si edhe çdo kërkesë ligjore vendase shtesë. Mund të kërkoni një kopje të këtyre duke kontaktuar privacy-office-SI@shell.com.
Siguria e të dhënave tuaja personale
Duke pasur parasysh natyrën e Grupit Shell, të dhënat tuaja personale dhe ato të vartësve tuaj mund të transferohen në shtete jashtë vendit tuaj. Kur ndodh kjo, ne marrim masa për t’u siguruar që të drejtat tuaja për privatësinë dhe ato të vartësve tuaj të vazhdojnë të jenë të mbrojtura në përputhje me Rregullat Detyruese të Shoqërisë së Shell dhe me ligjin e zbatueshëm.
Ne kemi implementuar teknologji dhe politika me qëllim mbrojtjen e privatësisë suaj nga aksesi i paautorizuar dhe përdorimi i papërshtatshëm dhe do t’i përditësojmë këto masa siç është e përshtatshme në momentin që teknologji të reja bëhen të disponueshme.
Për sa kohë i ruani të dhënat personale?
Të gjitha informacionet, përfshirë të dhënat personale, menaxhohen në përputhje me standardet e Grupit Shell për Administrimin e Informacionit dhe Regjistrimeve dhe fshihen në mënyrë të sigurt pasi nuk nevojiten më për një qëllim të ligjshëm biznesi apo për një qëllim të ligjshëm/rregullator.
Me disa përjashtime të nevojshme për t’iu përmbajtur kërkesave ligjore vendase:
- informacionet që ndodhen brenda dosjeve të personelit mbahen për jo më shumë se 10 vjet pasi është mbyllur punësimi juaj;
- informacionet në lidhje me përfitimet e pensionit mbahen për jo më shumë se 99 vjet nga data e fillimit të punësimit;
- çdo informacion personal i grumbulluar si pjesë e kontrollit mbështetur në listat e të dënuarve dhe burimeve mediatike të disponueshme publikisht ose të lëshuara nga qeveria, mbahen për jo më shumë se 15 vjet nga dita kur janë marrë për herë të parë.
- emrat, data, ora dhe pikat e aksesit për të gjithë individët që hyjnë në vendin e ushtrimit të veprimtarisë së Shell mbahen për 3 vjet nga çdo akses;
- kur një individ është pushuar nga puna ose i është zgjidhur kontrata për shkak të sjelljes së papërshtatshme serioze, përfshirë shkeljen e Rregullave të Shell për Shpëtimin e Jetës ose shkeljen e Kodit të Sjelljes të Shell, ato informacione mbahen për deri në 30 vjet pas përfundimit të marrëdhënies.
Në të gjitha rastet, informacionet mund të mbahen për a) një periudhë më të gjatë kohe ku ka një arsye ligjore ose rregullatore për këtë (në të cilin rast do të fshihen pasi të mos jenë më të nevojshme për qëllime ligjore ose rregullatore) ose b) një periudhë më të shkurtër në rastet ju ose vartësit tuaj kundërshtojnë përpunimin e të dhënave personale dhe nuk ka më një arsye të ligjshme për t’i ruajtur ato.
Mund të gjeni më shumë informacion këtu në lidhje me administrimin e Regjistrimeve të Grupit Shell duke përfshirë variacionet vendase:
http://sww.shell.com/ethicsandcompliance/im/Records/classifyingRecords.html
Si mund t’i aksesoj të dhënat e mia personale?
Ne synojmë t’i mbajmë informacionet rreth jush sa më të sakta që të jetë e mundur. Ju mund t’i aksesoni të dhënat tuaja personale, të kërkoni korrigjimin ose fshirjen e të dhënave personale (por vetëm aty ku nuk kërkohet më për një qëllim të ligjshëm biznesi) dhe të kërkoni që përpunimi i të dhënave tuaja të jetë i kufizuar. Për ata individë që kanë akses në Burimet Njerëzore Online, mund të aksesoni të dhënat tuaja personale përmes:
Ose ndryshe, ju lutem flisni me konsulentin lokal të Burimeve Njerëzore. Nëse jeni kontraktor, duhet të flisni me shoqërinë/agjencinë tuaj të jashtme kontraktuese/punëdhënëse.
Kë mund të kontaktoj për më shumë informacion?
Mund të gjeni informacion të mëtejshëm në faqen kryesore Privatësisë së të Dhënave:
http://sww.shell.com/ethicsandcompliance/dp/dp.html
Nëse keni probleme, pyetje ose ankesa në lidhje me përpunimin e të dhënave tuaja personale, ju lutem na kontaktoni në Privacy-Office-SI@shell.com ose Shell Group Chief Privacy Officer në Shell International B.V. The Hague, The Netherlands - Trade Register, No. 27155369 Correspondence: PO Box 162, 2501 AN, The Hague.
Nëse jeni të pakënaqur me mënyrën e trajtimit të të dhënave tuaja personale nga Shell, atëherë keni të drejtën t’i paraqitni një ankesë autoritetit tuaj për mbrojtjen e të dhënave ose autoritetit holandez të mbrojtjes së të dhënave personale (konkretisht Dutch Data Protection Authority) adresa e të cilit është Prins Clauslaan 60, 2595 AJ The Hague, Netherlands. Ju lutem vizitoni https://autoriteitpersoonsgegevens.nl/en për më shumë informacion.
Ju lutemi referojuni njoftimeve vendase të privatësisë për detajet e oficerit vendas për mbrojtjen e të dhënave (nëse ka) dhe gjithashtu për detajet e autoritetit vendas për mbrojtjen e të dhënave. Ose ndryshe, ne do t’ju japim detajet e kontaktit, aty ku zbatohet, menjëherë me kërkesë duke kontaktuar Privacy-Office-SI@shell.com.
Ndryshimet në këtë Njoftim Privatësie
Ky Njoftim Privatësie mund të ndryshohet me kalimin e kohës. Njoftimi i Privatësisë është përditësuar për herë të fundit më 1 janar 2018.