Aplikant për punë

Çfarë mbulon ky Njoftim Privatësie?

Ky Njoftim Privatësie – Rekrutimi nga Grupi Shell siguron informacione rreth të dhënave personale që grumbullohen nga një shoqëri ose nga shoqëritë brenda Shell në lidhje me individët që aplikojnë për punë, ose që marrin pjesë në një event rekrutimi ose ndërmarrin një vlerësim me një shoqëri ose disa shoqëri brenda grupit të shoqërive të Shell (“Shell”). Kjo përfshin punonjësit potencialë, praktikantët dhe kontraktorët.

Ky njoftim shpjegon çfarë të dhënash personale përpunohen, për cilat qëllime, për sa kohë i ruajmë të dhënat personale, si të aksesoni dhe përditësoni të dhënat tuaja personale dhe ku të shkoni për informacione të mëtejshme.

Sikurse ky Njoftim Privatësie, njoftimet vendase për privatësinë ndryshojnë mes shteteve në të cilat ne operojmë për të pasqyruar praktikat dhe kërkesat ligjore vendase dhe janë gjithmonë subjekt i ligjit të zbatueshëm. Për individët që janë të suksesshëm në aplikimin e tyre për punë, praktikë ose përfshirje si kontraktor, do të zbatohet Njoftimi i Privatësisë - Të Dhënat Personale të Punonjësit, Kontraktorit dhe Vartësve të Grupit Shell.

Kush është përgjegjës për të dhënat personale të grumbulluara?

Shell International BV, një shoqëri e regjistruar në Holandë me numër regjistrimi 27155369, selia e regjistruar e së cilës është në adresën Carel van Bylandtlaan 30, 2596 HR Hagë, Hollandë është përgjegjëse për përpunimin të dhënave tuaja personale për llogari të vet ose të shoqërisë përkatëse që punëson ose që pajton brenda Shell.

Njoftim – nëse jeni nën moshën 14 vjeç dhe doni të aplikoni për një event edukimi ose inovacioni të sponsorizuar nga Shell

Nëse jeni nën moshën 14 vjeç (ose më i madh nëse është përcaktuar në ndonjë njoftim vendas për privatësinë) ju lutemi të mos na dërgoni të dhënat tuaja personale (për shembull, emrin, adresën dhe email-in). Nëse doni të kontaktoni Shell në një mënyrë që ju kërkon të paraqitni të dhënat tuaja personale (si për shembull për evente edukimi ose inovacioni), ju lutemi t’i kërkoni prindit ose kujdestarit që ta bëjë këtë në emrin tuaj.

Çfarë të dhënash personale përpunojmë?

Ne përpunojmë informacionet personale në lidhje me individët që aplikojnë për punë, ose që marrin pjesë në një event rekrutimi dhe/ose ndërmarrin një vlerësim (“Aplikantët”) vetëm për arsye të ligjshme në kategoritë e mëposhtme:

Burimet Njerëzore dhe administrimi i personelit

Aplikimet për punë, rezultatet e intervistave dhe vlerësimeve:
Detajet personale të kontaktit;
Raportimi dhe analizimi i menaxhimit duke përfshirë analizat statistikore dhe studimet në lidhje me cilësinë e procesit të rekrutimit;
Auditimet dhe investigimet e brendshme;

Ekzaminimi paraprak i Aplikantëve

Ne bëjmë ekzaminimin e të gjithë Aplikantëve të cilëve duam t’u bëjmë një ofertë punësimi, përfshirjeje ose praktike (siç mund të jetë rasti) dhe para se të konfirmohet çfarëdo oferte për arsye të:

verifikimit të informacionit që jep Aplikanti gjatë procesit të ekzaminimit/intervistës. Kjo do të përfshijë verifikimin e informacioneve me punëdhënësit aktualë/të mëparshëm dhe institucionet arsimore. Nuk do të merren hapa në lidhje me këtë derisa Aplikanti të konfirmojë që verifikimi mund të kryhet.
Ekzaminimi i Aplikantëve mbështetur në listat e të dënuarve të disponueshme publikisht ose të lëshuara nga qeveria dhe burimeve mediatike. Kjo shërben për t’iu përmbajtur detyrimeve ligjore dhe rregullatore, për të mbrojtur asetet, punonjësit/kontraktorët e Shell dhe veçanërisht për të siguruar që Shell t’i përmbahet ligjeve për kontrollin e tregtisë, parandalimin e pastrimit të parave dhe/ose mitmarrjen dhe korrupsionin dhe kërkesave të tjera rregullatore.

Të dhënat personale në lidhje me sjelljen kriminale të dyshuar dhe të konfirmuar, të dhënat në lidhje me dëshminë e penalitetit ose procedurat në lidhje me sjelljen kriminale ose të jashtëligjshme mund të përpunohen si pjesë e ekzaminimit para punësimit/pajtimit por vetëm për arsye të garantimit të pajtueshmërisë me detyrimet ligjore dhe rregullatore dhe/ose deri në shkallën e lejuar ose të kërkuar nga ligji vendas.

Vendimmarrja automatike

Të gjithë aplikantët duhet t’u përgjigjen pyetjeve që janë të nevojshme për t’u siguruar që individët mund të hyjnë në mënyrë të ligjshme në kontratë me një shoqëri të Shell nëse kanë sukses me aplikimin e tyre. Përveç kësaj, për të punësuarit e sapodiplomuar, ne përdorim një mjet vlerësimi online i cili vlerëson individët mbi përshtatshmërinë e tyre për punësim duke u mbështetur në vendimmarrjen automatike për të siguruar objektivitetin. Në ato raste, ju do të njoftoheni për këtë dhe do të keni mundësinë që këto vendime automatike të rishikohen nga ose në emër të një pjesëtari të stafit të rekrutimit nga Shell. Përveç siç njoftoheni në mënyrë specifike në procesin e rekrutimit, nuk do të ketë asnjë vendimmarrje tjetër automatike për të përcaktuar përshtatshmërinë ose pranueshmërinë për punësimin ose pajtimin si kontraktor.

Kategoritë e veçanta të të dhënave (“të dhënat personale sensitive”)

Për qëllimet e rekrutimit, të dhënat personale në lidhje me shëndetin mund të përpunohen vetëm siç kërkohet rreptësisht dhe lejohet ose kërkohet nga ligji vendas për qëllime të bërjes së rregullimeve në procesin e rekrutimit, për vlerësimin e pranueshmërisë për pozicione dhe përshtatje për punë dhe sigurimin e faciliteteve në vendin e punës për të akomoduar personat me probleme shëndetësore.

Përveç kësaj, për të siguruar mundësi të barabarta punësimi siç lejohet ose kërkohet nga ligji vendas, ne mund të grumbullojmë gjithashtu të dhëna në lidhje me Aplikantët si për shembull kombësinë, origjinën racore dhe/ose etnike të tyre.

Për çfarë qëllimesh përpunojmë të dhënat personale të Aplikantëve?

Të dhënat personale të Aplikantëve përpunohen vetëm:

për të marrë hapa me kërkesë të Aplikantit para se të hyjmë në një kontratë;
aty ku është e nevojshme, për t’iu përmbajtur një detyrimi ligjor të cilit i nënshtrohet shoqëria/shoqëritë e Shell për të siguruar pajtueshmërinë me ligjet dhe rregullat vendase për punësimin dhe sigurinë sociale;
aty ku është e nevojshme, për interesat e ligjshme të Shell (si për shembull sigurimi i pajtueshmërisë me detyrimet ligjore përveç atyre të lidhen me punësimin ose sigurinë sociale, mbrojtja e aseteve dhe reputacionit të Shell, dhe punonjësve e kontraktorëve të Shell) përveç rasteve ku këto interesa dominohen nga interesat ose të drejtat dhe liritë themelore të Aplikantit; ose
(vetëm nëse kërkohet me ligj) me pëlqimin e shprehur të Aplikantit.

Në ato raste ku përpunimi bazohet në një pëlqim, dhe subjekt i ligjit vendas të zbatueshëm i cili parashikon ndryshe, ju keni të drejtën të tërhiqni pëlqimin tuaj në çdo kohë. Kjo nuk do të ndikojë në vlefshmërinë e përpunimit që është bërë para tërheqjes së pëlqimit.

Me cilët do t’i ndajmë të dhënat personale?

Të dhënat tuaja personale përpunohen vetëm për qëllimet e treguara më sipër (ose për një qëllim dytësor që lidhet ngushtë me to, si për shembull ruajtjen e tyre) dhe do të ndahen kur është rreptësisht e domosdoshme me:

Shoqëritë e tjera brenda grupit të shoqërive të Shell, përfshirë ato të cilat mund të ndodhen jashtë vendit tuaj dhe Zonës Ekonomike Evropiane (“ZEE”); dhe
Agjentët, ofruesit e shërbimeve dhe/ose nënkontraktorët e autorizuar palë të treta të Shell në veçanti palët e treta të autorizuara të cilat kryejnë ekzaminimet e referencave dhe të historikut në emër të Shell;
Një autoritet publik, agjenci qeveritare, rregullatore ose fiskale kompetente kur është e nevojshme t’i përmbahemi një detyrimi ligjor ose rregullator subjekt i të cilit është shoqëria/shoqëritë përkatëse të Shell ose siç lejohet nga ligji vendas i zbatueshëm.

Transferimet e të dhënave personale

Kur të dhënat personale transferohen në shoqëri brenda Shell dhe/ose drejt palëve të treta të autorizuara që ndodhen jashtë vendit tuaj (përfshirë vendet jashtë Zonës Ekonomike Evropiane), ne marrim masa organizative, kontraktuale dhe ligjore për t’u siguruar që të dhënat personale të përpunohen vetëm për qëllimet e përmendura më sipër dhe që të zbatohen nivele të përshtatshme mbrojtjeje për të mbrojtur të dhënat personale. Këto masa përfshijnë Rregullat Detyruese të Shoqërisë për transferimet brenda Grupit Shell dhe mekanizmat e transferimit të miratuara nga Komisioni Evropian për transferimet drejt palëve të treta në vende që nuk konsiderohen se ofrojnë nivel të përshtatshëm të mbrojtjes së të dhënave si edhe çdo kërkesë ligjore vendase shtesë. Mund të kërkoni një kopje të këtyre duke kontaktuar privacy-office-SI@shell.com.

Siguria e të dhënave tuaja personale

Duke pasur parasysh natyrën e Grupit Shell, të dhënat tuaja personale mund të transferohen në shtete jashtë vendndodhjes suaj të cilat mund të përfshijnë shtetet jashtë Zonës Ekonomike Evropiane. Në rastet ku ndodh kjo, ne marrim hapa për t’u siguruar që të drejtat e privatësisë suaj të vazhdojnë të jenë të mbrojtura në përputhje me rregullat e brendshme të Shell dhe ligjin e zbatueshëm. Vetëm nëse kërkohet me ligj, ne do të vazhdojmë të kërkojmë pëlqimin tuaj për këtë transferim.

Ne kemi implementuar teknologji dhe politika me qëllim mbrojtjen e privatësisë suaj nga aksesi i paautorizuar dhe përdorimi i papërshtatshëm dhe do t’i përditësojmë këto masa siç është e përshtatshme në momentin që teknologji të reja bëhen të disponueshme.

Për sa kohë i ruani të dhënat e mia personale?

Ne i mbajmë të dhënat personale të Aplikantëve të pasuksesshëm për jo më shumë se dy vjet pasi ka përfunduar procesi i rekrutimit ose vlerësimit, me përjashtim të Federatës Ruse (3 vjet) për të siguruar pajtueshmërinë me kërkesat ligjore vendase.

Në të gjitha rastet, informacionet mund të mbahen për a) një periudhë më të gjatë kohe ku ka një arsye ligjore ose rregullatore për këtë (rast në të cilin do të fshihen pasi të mos jenë më të nevojshme për qëllime ligjore ose rregullatore) ose b) një periudhë më të shkurtër në rastet ku individi kundërshton përpunimin e të dhënave personale të tij dhe nuk ka më një qëllim të ligjshëm për ruajtjen e tyre.

Nëse nuk keni sukses me aplikimin tuaj, të dhënat personale të marra përmes procesit të rekrutimit do të ruhen në përputhje me Njoftimin e Privatësisë - Të Dhënat Personale të Punonjësve, Vartësve dhe Kontraktorëve tek të cilat ju do të keni akses ose do të merrni një kopje pas fillimit të punës, përfshirjes ose praktikës.

Cilat janë pasojat e mosdhënies së të dhënave të mia?

Të dhënat personale të kërkuara dhe të dhëna prej Aplikantëve të cilat kërkohen për të përmbushur kërkesat ligjore dhe/ose kërkohen për të hyrë në kontratë me ju (ose në rastin e një kontraktori, me punëdhënësin/ofruesin e shërbimit). Nëse nuk na jepni informacionet e kërkuara të cilat kufizohen vetëm në ato që nevojiten për këto qëllime, kjo do të ndikojë negativisht në mundësitë që keni për t’u përzgjedhur për çfarëdo punësimi, përfshirjeje ose praktike të mundshme.

Të drejtat tuaja

Ne synojmë t’i mbajmë informacionet rreth jush sa më të sakta që të jetë e mundur. Aplikantët mund të kenë akses në të dhënat e tyre personale, të kërkojnë korrigjimin, ose fshirjen e të dhënave personale (por vetëm aty ku nuk nevojiten më për arsye të ligjshme biznesi) ose të kërkojnë që përpunimi i të dhënave të tyre të jetë i kufizuar. Ju lutem kontaktoni http://www.shell.com/careers/contact-us.html

Kë mund të kontaktoj për më shumë informacion?

Nëse keni probleme, pyetje ose ankesa në lidhje me përpunimin e të dhënave tuaja personale, ju lutem na kontaktoni në Privacy-Office-SI@shell.com ose Shell Group Chief Privacy Officer në Shell International B.V. The Hague, The Netherlands - Trade Register, No. 27155369 Correspondence: PO Box 162, 2501 AN, The Hague.

Nëse jeni të pakënaqur me mënyrën e trajtimit të të dhënave tuaja personale nga Shell, atëherë keni të drejtën t’i paraqitni një ankesë autoritetit tuaj për mbrojtjen e të dhënave ose autoritetit holandez të mbrojtjes së të dhënave personale (konkretisht Dutch Data Protection Authority) adresa e të cilit është Prins Clauslaan 60, 2595 AJ The Hague, Netherlands. Ju lutem vizitoni https://autoriteitpersoonsgegevens.nl/en për më shumë informacion.

Ju lutem t’i referoheni njoftimeve vendase të privatësisë për detajet e oficerit vendas për mbrojtjen e të dhënave (nëse ka) dhe gjithashtu për detajet e autoritetit vendas për mbrojtjen e të dhënave. Përndryshe, ne do t’ju japim detajet e kontaktit, aty ku zbatohet, menjëherë sipas kërkesës duke kontaktuar Privacy-Office-SI@shell.com.

Cookies dhe teknologjitë e ngjashme

Shell mund të përdorë cookies dhe teknologji të ngjashme që synojnë grumbullimin dhe ruajtjen e informacionit kur vizitoni një faqe interneti të Shell. Kjo i jep mundësi Shell të identifikojë shfletuesin e internetit që përdorni dhe të grumbullojë të dhëna mbi përdorimin e faqes së internetit, cilat faqe vizitoni, kohëzgjatjen e vizitave tuaja dhe të identifikojë këto kur ktheheni në mënyrë që të përmirësojmë përvojën tuaj kur vizitoni faqen(t) tonë të internetit. Ju mund të kontrolloni dhe të vendosni preferencat tuaja për cookies duke vendosur parametrat e shfletuesit – për më shumë informacion, ju lutem shikoni rregulloren e Shell për cookies në http://www.shell.com/cookie-policy.html

Historitë kryesore

Mjetet

Kërkimet e fundit